Қазақстанда 2023 жыл «Жұмысшы мамандықтар жылы» деп жарияланды. Бұл бастаманың мақсаты – жұмысшы кәсіптердің маңызын арттыру, жастарды техникалық және кәсіптік білім алуға ынталандыру, елдің өндірістік әлеуетін күшейту.
Қазіргі таңда елімізге дәнекерлеуші, электрик, механик, құрылысшы, аспаз, жүргізуші сияқты кәсіби мамандар өте қажет. Мұндай мамандық иелері – нағыз еңбектің адамы. Олар – зауытта, құрылыста, ауыл шаруашылығында және басқа да өндіріс салаларында жұмыс істеп, ел экономикасының дамуына үлес қосып жүрген жандар.
«Жұмысшы мамандықтар жылы» аясында колледждер мен кәсіптік білім беру ұйымдарының жұмысы жаңартылып, дуалды оқыту жүйесі енгізілуде. Яғни, жастар тек теорияны ғана емес, нақты өндірісте тәжірибе жинайды. Сонымен қатар, білікті жұмысшыларға әлеуметтік қолдау мен жаңа мүмкіндіктер қарастырылуда.
Жұмысшы мамандығы – болашақтың мамандығы. Қоғамда бұл кәсіптерге деген көзқарас оң бағытта өзгеріп келеді. Себебі еңбекқор, шебер, кәсіби маман – кез келген мемлекеттің негізгі күші.