Еліміздің экономикалық қуаты мен әлеуметтік әл-ауқаты ең алдымен білікті жұмысшы мамандардың еңбегіне тікелей байланысты. Құрылысшы, дәнекерлеуші, электрик, механик, технолог, жүргізуші – осындай сан түрлі мамандық иелері қоғам дамуының алдыңғы шебінде тұр.
Жұмысшы мамандықтың ерекшелігі – ол тек табыс көзі ғана емес. Бұл – нақты нәтиже беретін, қоғамға пайдасын тигізетін, адамның қолтаңбасы көрініп тұратын еңбек. Әрбір тұрғызылған ғимарат, іске қосылған өндіріс, жөнделген техника – осы мамандардың кәсібилігі мен жауапкершілігінің жемісі.
Бүгінгі таңда әлемде еңбек нарығының басты сұранысы – қолында кәсіби дағдысы бар жұмысшы. Сондықтан жастарға техникалық және кәсіптік білім алу – тұрақты жұмыспен қамтылудың, болашаққа сенімді қадам жасаудың кепілі.
Жұмысшы еңбегін бағалау – ел дамуын бағалау. Әр саладағы мамандарға қолдау көрсету арқылы біз мемлекетіміздің ертеңін нығайтамыз.