Бүгінгі таңда қаладағы балалар ойын алаңдарына қажеттілік 170 бірлікті құрады. 2025 жылы 38 жаңа алаң орнату жоспарланған болатын. Жұмыстар бұған дейін ойын алаңдары болмаған немесе ескі кеңестік элементтері қалған аулаларда жүргізілді.
Жұмыстарды аяқтау мерзімі 1 қыркүйекке дейін белгіленді. Бес мердігерлік ұйымның әрқайсысы 5 ойын алаңын орнатады. Аулаларды абаттандыру аясында жаңа ойын алаңдары қаланың төменгі бөлігінде – 16-шы, 8-ші, 9-шы және 15В кварталдарда да пайда болмақ.
Қазіргі таңда Абай көшесі 41, 43, 44, 46 және 66 мекенжайларында орнату жұмыстары аяқталуға жақын.
Жалпы балалар ойын алаңдары – бүлдіршіндердің дене шынықтыруы мен әлеуметтік дамуына ықпал ететін маңызды орта. Мұнда балалар қозғалыс арқылы денсаулығын нығайтып, ойлау қабілетін дамытады және жаңа достар табады!