Азаматтардың құқықтарын қорғаудағы маңызды қадам
Бүгін құқық қорғау жүйесін нығайтуға бағытталған маңызды жаңалықпен таныстым. Бас прокуратура мен Адам құқықтары жөніндегі уәкіл азаматтардың құқықтары мен бостандықтарын қорғауды күшейту мақсатында ынтымақтастық туралы меморандумға қол қойды. Бұл келісім мемлекетіміздің әрбір азаматының құқықтарын қорғауда нақты әрі маңызды қадам жасалып жатқанын көрсетеді.
Сонымен қатар, Бас Прокурор тергеу сатысында меншік құқықтарын қорғау және азаматтардың конституциялық кепілдіктерін сақтау үшін Конституциялық Сотқа жүгіну өкілеттігін белсенді түрде пайдаланып жатқаны қуантады. Мұндай әрекеттер қоғамымыздағы әділдік пен заңның үстемдігін қамтамасыз етуге бағытталған.
Бұл бастамалар баршамыз үшін маңызды. Мемлекет азаматтардың құқықтарын қорғауды күшейту үшін нақты әрекеттер жасап жатса, біз де құқықтық сауаттылығымызды арттырып, өз құқықтарымызды қорғауға белсенді болуымыз керек.
Әрбір адамның құқығы сақталған, заң үстемдік құрған қоғамда ғана тұрақтылық пен даму болады. Бұл жолда баршамыз бірігіп әрекет етуіміз қажет!
Нұрбибі Әбілхан, “Сәтбаев қаласының жастар ресурстық орталығы” КММ-нің әдіскері