Тазалық – тек көзге көрінетін сыртқы әдемілік емес. Тазалық – жүректің пәктігі, ойдың мөлдірлігі, ардың тазалығы. «Таза Қазақстан» ұғымы бізге осыны да еске салады. Елін сүйген адам туған жерін қорғайды, табиғатын таза ұстайды. Өйткені туған жердің көркі – халықтың айнасы.
Қазақстанның келешегі – біздің қолымызда. «Таза Қазақстан» идеясы – тек қана акция емес, ол – ұлттық санамызды тәрбиелейтін, болашаққа жол ашатын бастама. Егер әрбір адам туған жерді көздің қарашығындай сақтаса, табиғатты қорғап, тазалыққа мән берсе, Қазақстан жасыл да жайқалған, көрікті де сәулетті елге айналады.