Сәтбаев қаласында жастарға арналған ерекше Жастар фестивалі өтті. Қалада ұйымдастырылған бұл мерекелік шара жастардың көңілін көтеріп қана қоймай, олардың бірлігін, шығармашылығын және жігерін паш етті.
Фестиваль бағдарламасында: түрлі ойындар, қызықты интерактивтер, көңілді батлдар, караоке, аквагрим, тіпті ерекше аниматорлармен ойынға дейін ұсынылды. Әрбір қатысушы өзіне ұнайтын қызық таба алды. Ал ұйымдастырушылар тарту еткен сыйлықтар мерекелік көңілді одан әрі арттыра түсті.
Салтанатты шарада құттықтау сөз сөйлеген қала әкімінің орынбасары Ерлан Орманов жастарды мерекемен құттықтап, оларға арманға жетелейтін батылдық, биік мақсаттарға талпыныс пен әрдайым жігерлі болуды тіледі.
Сонымен қатар қала әкімінің атынан Алғыс хаттарды және ақшалай сертификаттарды табыс етті.
Фестивальдің басты ерекшелігі – достық пен көтеріңкі көңіл-күй. Жастар жарыса ойнап, түрлі конкурстарға қатысып, өз таланттарын көрсетіп қана қоймай, сыйлықтарға да ие болды.
Бұл мереке – Сәтбаев жастарының шынайы энергиясын, шығармашылығын және өмірге деген құштарлығын айшықтаған жарқын оқиға болды.