Қала мектептерінің оқу жылына толық әрі сапалы дайындалуы – маңызды міндеттердің бірі.
🔹 Ә.Марғұлан атындағы атындағы ЖББМ
Бұл мектеп ғимаратында жылыту жүйелерін ағымдағы жөндеу жұмыстары қолға алынды. Ашық конкурс нәтижесінде мердігер ретінде ЖК «Тұрсынғали» анықталды. Жөндеу жұмыстары 18 тамыздан басталып, келісімшарт талаптарына сай 45 күн ішінде аяқталуы тиіс.
🔹 №16 жалпы білім беретін мектеп
Бұл мектептің 3 қабатындағы терезелердің тозығы жеткені анықталды. Қазіргі таңда күрделі жөндеу жүргізіліп жатқан жоқ, дегенмен бұл мәселе назардан тыс қалмайды. Алдағы уақытта тиісті жоспарға енгізіліп, шешу жолдары қарастырылатын болады.
🔹 Ы.Алтынсарин атындағы лицей мектебі
Аталған білім ордасында шатырды жөндеу бойынша ашық конкурс өткізіліп, мердігер ретінде «Горэлектросети» ЖШС анықталды. Жөндеу жұмыстары 14 тамыздан бастап басталды және мемлекеттік сатып алу шартына сәйкес 45 күнтізбелік күнде аяқталуы тиіс.
Қала мектептеріндегі дайындық жұмыстары күнделікті қадағалауда. Басты мақсат– оқушылардың жаңа оқу жылын ыңғайлы әрі қауіпсіз жағдайда бастауына жағдай жасау.