Президент Қасым-Жомарт Тоқаев өз сөзінде Қазақстан Конституциясының қалыптасу тарихына тоқталды. Ол 1993 жылы еліміздің алғашқы Ата заңы қабылданғанын, бірақ жаңа кезеңнің талаптарына сәйкес 1995 жылы жаңа Конституция әзірлеу қажеттілігі туындағанын атап өтті. Бұл маңызды құжатты дайындауға отандық заңгерлермен бірге шетелдік сарапшылар да қатысып, халық тарапынан мыңдаған ұсыныс түсіп, кеңінен талқыланды. Мемлекет басшысы Конституцияның қабылдануында елдің Тұңғыш Президенті Нұрсұлтан Назарбаевтың атқарған шешуші рөліне ерекше тоқталды.