Мемлекет басшысы Huawei компаниясының директорлар кеңесінің төрағасын қабылдады
Қасым-Жомарт Тоқаев Huawei Technologies Co. LTD директорлар кеңесінің төрағасы Хуа Лянды қабылдады. Кездесуде заманауи технологиялар мен цифрлық шешімдер саласындағы әріптестіктің перспективалары талқыланды.
Президент «Самұрық-Қазына» АҚ мен Huawei арасындағы телекоммуникациялық технологияларды енгізу және серверлік инфрақұрылымды жаңғырту жөніндегі стратегиялық келісімді құптады. Сондай-ақ, ІТ, жасанды интеллект және үлкен деректерді талдау салаларында қазақстандық мамандарды даярлауға бағытталған компанияның білім беру бастамаларына назар аударылды.
Ақорда ресми телеграм-арнасы – http://t.me/aqorda_resmi