Ел Президенті Қасым –Жомарт Тоқаевтың биылғы халыққа Жолдауындағы өзіме айрықша әсер еткені Ұлттық Қор мен Банктер, Салық жүйесі туралы айтқаны болды. «Ұлттық Қор неге шетелдік банктерде сақталады? Өз еліміздің банктерінде сақтауға болмай ма?» деген ой бұрыннан да ара – тұра ойландырып қоятын. Президенттің «Ұлттық қор шетелдік қаржы институттарына қызмет етпеуі керек» деген ұстанымы – өте дұрыс. Меніңше, енді тез арада «Ұлттық Қордың қаражатын, ең алдымен, мемлекет мүддесі үшін, яғни еліміздің стратегиялық мақсаттарын жүзеге асыру үшін пайдалану қажет. Ұлттық қор – ұзақ мерзімге арналған макроэкономикалық тұрақтылықты қамтамасыз ететін аса маңызды құрал. Сондықтан оны тиімді басқару қажет” деген Президент сөзінен тиісті қорытынды шығарылады деген ойдамын.
Сондай-ақ Президенттің банкттер туралы жаңа заң қабылдау керектігі жөніндегі тапсырмасы да уақыт талабын дөп баса білгендік деп бағалаймын. Өйткені, банкттердің жұмысын жаңаша жүйелеу керек. әсіресе, қарапайым адамдарға салмақ түсіретін несие беру жолдарын жеңілдету, олардың үстемесін ақылға қонымды мөлшерден асырмау, т.т. мәселелер жаңа заңда жан –жақты қарастырылуы тиіс.
Президенттің жаңа Салық Кодексін әзірлеуде асығыстыққа жол бермеу жөніндегі тапсырмасы да барлық оң –мен терісті таразыға тарту тұрғысынан өте дұрыс екендігі даусыз. «Жеті рет өлшеп, бір рет кесу» ұстанымы өзінің оң нәтижесін беруге тиісті.
Президент Жолдаудағы елдегі қаржы жүйесіне қатысты бастамалары сайып келгенде халықтың көңіліндегі толғақты мәселелерді шешу, кәсіпкерлікті дамытуға оң ықпал тигізу мақсатынан туындағаны сөзсіз. Ендігі мәселе – сол ізгілікті ойдың жеделдетіп жүзеге асыру.
Абдолла Дастанов,
«Шындық» қоғамдық бірлестігінің төрағасы.
