Ұлытау ауданында қоршаған ортаны қорғау және тазалықты сақтау мақсатында «Таза Қазақстан» акциясы кең көлемде ұйымдастырылып жатыр. Бұл игі шараға аудан тұрғындары, жастар, еріктілер мен түрлі мекеме қызметкерлері белсенді түрде қатысуда. Акция аясында көшелер, саябақтар, өзен-көл жағалаулары мен қоғамдық орындар қоқыстан тазартылып, табиғаттың көркі қалпына келтірілуде.
Аталған шараның басты мақсаты – тұрғындардың экологиялық мәдениетін арттыру, табиғатқа деген жауапкершілікті күшейту және таза орта қалыптастыру. Әсіресе, жастардың белсенділігі ерекше байқалады. Олар тек қоқыс жинап қана қоймай, қоршаған ортаны қорғау туралы түсіндіру жұмыстарын да жүргізуде.
Сонымен қатар, акция барысында арнайы техника тартылып, жиналған қоқыстар белгіленген орындарға жеткізіліп, қайта өңдеуге жіберілуде. Бұл өз кезегінде экологиялық жағдайды жақсартуға үлкен үлес қосады.
«Таза Қазақстан» акциясы – барша халықты ортақ іске жұмылдыратын маңызды бастама. Мұндай шаралар табиғатты аялауға, туған жердің тазалығын сақтауға тәрбиелейді. Ұлытау тұрғындарының белсенділігі басқа өңірлерге де үлгі болары сөзсіз.
