«ЖУРНАЛИСТ В ПОГОНАХ»: КРИМИНАЛИСТЕРДІҢ КҮНДЕЛІКТІ ҚЫЗМЕТІМЕН ТАНЫСУ
«Журналист в погонах» жобасы аясында тілшілер бір күнін криминалист мамандармен бірге өткізіп, олардың аса жауапты әрі мұқият жұмысымен жақын танысу мүмкіндігіне ие болуда. Бұл жоба – ішкі істер органдарының ашықтығын арттырып, қоғамға тергеу саласының шынайы қырларын көрсетуге бағытталған маңызды бастама.
Криминалистердің қызметі – тек қылмыс орнын қараудан тұрмайды. Олар тергеушілермен бірлесіп, оқиға орнындағы әрбір детальді зерттеп, дәлелдерді жинайды, талдайды және орын алған оқиға жөнінде толыққанды хронология жасайды. Мамандардың кәсіби біліктілігі мен мұқияттығы – қылмыстың ашылуында шешуші рөл атқарады.
Мамандар оқиға орнына жедел шығып, заттай дәлелдерді табу, сақтау және зертханаға жеткізу бойынша нақты алгоритммен жұмыс істейді. Әрбір із – саусақ ізі, аяқ киім ізі, микрообъектілер – тергеудің негізгі бағытын анықтауға көмектеседі. Сонымен қатар криминалистер оқиға барысын қалпына келтіру үшін арнайы құрал-жабдықтарды қолданады.
Жоба барысында журналистер мамандардың жұмысын көзімен көріп, қылмыстың ашылуына әсер ететін маңызды процестермен танысады. Бұл өз кезегінде қоғамның құқық қорғау саласына деген сенімін арттырып, криминалистика мамандығына деген қызығушылықты күшейтеді.
Криминалистердің еңбегі – көзге көрінбейтін, бірақ аса маңызды жұмыс. Олардың кәсіби дәлдігі, ғылыми тәсілдері және жедел әрекеті әділдіктің орнауына, әр істің объективті зерттелуіне ықпал етеді.
