ЖҰМЫСШЫ МАМАНДЫҚТАР ЖЫЛЫ – ЕҢБЕКТІҢ ҚАДІРІН АРТТЫРАТЫН ЖЫЛ
Биыл елімізде Жұмысшы мамандықтар жылы жариялануы – өндіріс саласын жаңғыртуға, кәсіби-техникалық білімнің беделін көтеруге және еңбек адамының қоғамдағы мәртебесін арттыруға бағытталған маңызды қадам. Бұл бастама жұмысшы мамандықтарына деген сұраныстың өсіп, жаңа технологияларды игерген білікті кадрларға қажеттіліктің артып отырған кезеңімен үндесіп отыр.
Жобаның негізгі мақсаты – жастарды нақты кәсіпке бейімдеу, кәсіби дағдыларды дамыту, заманауи өндірісте сұранысқа ие мамандар даярлау. Еліміздегі колледждер мен оқу орталықтарында жаңа бағыттар ашылып, дуалды оқыту жүйесі кеңейіп, жұмысшы мамандықтарын таңдайтын жас буынға қолдау көрсетілуде.
Жұмысшы – экономиканың тірегі, өндірістің жүрегі. Құрылысшы, дәнекерлеуші, технолог, электрик, механизатор, шебер – олардың еңбегі күнделікті өміріміздің ажырамас бөлігі. Сондықтан Жұмысшы мамандықтар жылы еңбекке құрметті күшейтіп, қоғамда «еңбек адамы – елдің дамуының негізі» деген түсінікті нығайтады.
Бұл жыл еңбек дағдыларын жетілдіруге, жаңа жұмыс орындарын ашуға, кәсіби даму мүмкіндіктерін кеңейтуге жол ашады. Ең бастысы – жастардың болашағын нақты кәсіппен байланыстырып, ел экономикасының мықты кадрлық әлеуетін қалыптастыруға ықпал етеді.
Жұмысшы мамандықтары – тұрақты еңбек, сенімді табыс, еліміздің өркендеуіне қосылған үлес.