Жасанды интеллект – жаңа дәуірдің қозғаушы күші
Президент Қасым-Жомарт Тоқаев өз Жолдауында еліміздің болашағы технологиялық жаңғырумен тікелей байланысты екенін атап өтті. Әсіресе, жасанды интеллект (AI) саласын дамыту – Қазақстан үшін стратегиялық маңызы бар бағыт екені ерекше айтылды.
Жаһандық бәсекелестікте жасанды интеллект жаңа мүмкіндіктер мен сын-қатерлер әкелуде. Экономиканы тиімді басқару, өндіріс пен ауыл шаруашылығын автоматтандыру, медицина мен білім беру сапасын арттыру – барлығы да жасанды интеллекттің әлеуетімен байланысты.
Президенттің айтуынша, Қазақстанда жасанды интеллектті дамыту үшін ғылыми-зерттеу орталықтарын қолдау, мамандар даярлау және халықаралық серіктестік орнату қажет. Бұл тек экономикалық өсімді жеделдетіп қана қоймай, еліміздің инновациялық әлеуетін нығайтады.
Жасанды интеллект – жаңа дәуірдің қозғаушы күші. Сондықтан Қазақстан осы мүмкіндікті дұрыс пайдаланып, технологиялық дамудың алдыңғы қатарынан көрінуге ұмтылуы тиіс.