Елімізде жүзеге асырылып жатқан «Таза Қазақстан – Таза ел» экологиялық акциясы аясында бірқатар игі шаралар ұйымдастырылуда. Бастаманың негізгі мақсаты – қоршаған ортаны қорғау, елді мекендердің тазалығын сақтау және тұрғындар арасында экологиялық мәдениетті қалыптастыру.
Акция барысында көшелер мен аулалар тазартылып, саябақтар мен қоғамдық орындар ретке келтірілуде. Сонымен қатар, ағаш көшеттері отырғызылып, абаттандыру жұмыстары жүргізілуде. Бұл шараларға жастар, еріктілер, мекеме қызметкерлері мен белсенді тұрғындар қатысуда.
«Таза Қазақстан – Таза ел» бастамасы туған жерге деген жанашырлықты арттырып, қоғамды ортақ іске жұмылдыруда. Табиғатты аялау мен тазалықты сақтау – әр азаматтың ортақ міндеті.
Осындай игі бастамалар алдағы уақытта да жалғасып, еліміздің көркеюіне өз үлесін қоса бермек.
