Жаңа нысан – қала тұрғындарының қауіпсіздігін қамтамасыз ететін маңызды үлес

Абай көшесі, 80 мекенжайында республикалық бюджет қаражаты есебінен ІІ типтегі өрт сөндіру депосы кешенінің құрылысы жүргізілуде.

Құрылыс жұмыстары 2022 жылы басталды. Нысан аумағының жалпы көлемі 1,2 гектарды құрайды. Жоба шеңберінде жеке құрамға арналған 6 пәтерлі қызметтік жатақхана салу, сондай-ақ балаларға арналған футбол алаңын абаттандыру көзделген.

Аталған нысан пайдалануға берілгеннен кейін қала аумағында екі өрт сөндіру депосы қызмет көрсететін болады. Бұл төтенше жағдайларға жедел әрекет ету деңгейін едәуір арттырып, қала тұрғындарының қауіпсіздігін қамтамасыз етуге және жалпы әл-ауқатын нығайтуға бағытталған маңызды қадам болмақ.