Ұлытау облысы ПД бастығы Сәтбаев қаласы полиция бөлімінің жеке құрамымен кездесті

Ұлытау облысы Полиция департаментінің бастығы Нұрхат Оразбаев Сәтбаев қаласы полиция бөлімінің жеке құрамымен кездесу өткізді.

Кездесу барысында департамент басшысы полиция бөлімінің қызметтік жұмысының жалпы жағдайымен танысып, сондай-ақ қызметкерлердің жұмыс орындарын қарап шықты. Жеке құрамның қызметтік тәртібі, материалдық-техникалық қамтамасыз етілуі және азаматтарға көрсетілетін полиция қызметінің сапасына ерекше назар аударылды.

Кездесу барысында Нұрхат Оразбаев құқық бұзушылықтың алдын алу, қоғамдық қауіпсіздікті қамтамасыз ету және полиция қызметкерлерінің кәсіби жауапкершілігін арттыру бағытында бірқатар нақты тапсырмалар берді.