Қазақстан Республикасының Президенті Қасым-Жомарт Тоқаев қоғамда тазалық мәдениетін қалыптастырудың маңыздылығын атап өтті. Мемлекет басшысы экологиялық ағарту ісін мектептен бастап жоғары оқу орындарына дейін барлық білім беру мекемелерінде жүйелі түрде енгізу қажеттігін айтты.
Бұл бастама жастардың экологиялық санасын көтеруге, қоршаған ортаға жанашырлықпен қарауға және қоғамда мәдениеттілік деңгейін арттыруға бағытталған.
Сәтбаев қаласында да тазалық пен экологиялық мәдениетті насихаттау бойынша жұмыстар тұрақты түрде жүргізілуде. Әрбір тұрғын өз ортасының тазалығына үлес қосқанда ғана жасыл әрі таза қала құруға болады.