«Таза Қазақстан» – бұл жай ғана экологиялық акция емес, бұл – табиғатты аялауға, қоршаған ортаны қорғауға бағытталған елдік бастама. Бұл – әр азаматтың туған жерге, табиғатқа, болашақ ұрпаққа деген жауапкершілігін білдіретін маңызды қадам.
Табиғат – біздің ортақ байлығымыз. Ауамыздың таза болуы, суымыздың мөлдір, жеріміздің құнарлы болуы – бәрі де өз қолымызда. «Таза Қазақстан» жобасы осыны ұғындыруға, ел азаматтарын экологиялық мәдениетке тәрбиелеуге бағытталған.
Қалалар мен ауылдарда сенбіліктер ұйымдастырылып, ағаштар отырғызылып, өзен-көлдер мен ормандар тазартылуда. Бұл – тек тазалық шарасы ғана емес, бұл – елге деген сүйіспеншіліктің көрінісі.
«Таза табиғат – жарқын болашақ!»
Кел, сен де бұл бастамаға үлес қос! Табиғатты қорғау – Отанды қорғаумен тең!