Табиғат – адамзаттың ортақ үйі. Ал Қазақстан – кең байтақ даласы, биік таулары, мөлдір өзен-көлдері, ну орманы мен шексіз даласы бар қасиетті мекен. Бұл байлық – бізге ата-бабаларымыздан аманат болып жеткен, енді бізден кейінгі ұрпаққа таза күйінде қалуы тиіс.
Алайда қазіргі таңда экологиялық мәселелер – күллі әлемді алаңдатып отыр. Қоқыс полигондары, ауа мен судың ластануы, заңсыз кесілген ағаштар, бейберекет тасталған қалдықтар – бұның бәрі табиғатқа жасалған қиянат.
Бұл мәселелерді шешу – тек мемлекеттің емес, әрбір азаматтың міндеті.
🌱 “Таза Қазақстан” – бұл тек акция емес, бұл – өмір сүру салты.
Ол қоршаған ортаға жанашырлықпен қарауға, өз ортамызға жауапкершілікпен қарауға шақырады.
Әр адам мына қарапайым істерден бастай алады:
Қоқысты көшеге емес, арнайы орындарға тастау
Қайта өңдеуге жарамды қалдықтарды бөлек жинау
Сенбілікке қатысып, туған жерін тазарту
Табиғатқа шыққанда із қалдырмай қайту
Балаларды тазалыққа тәрбиелеу
🌍 Біз өзіміз тұрып жатқан жердің иесі ғана емес, оның қорғаушысы болуымыз керек.
Табиғат бізге таза ауамен тыныстауға, таза сумен шөл сөндіруге мүмкіндік береді. Ендеше біз де оған қамқор болуға міндеттіміз.
📢 Бүгінгі әрекетіміз – ертеңгі болашағымыздың кепілі.
Таза көше – таза ауыл.
Таза ауыл – таза облыс.
Таза облыс – таза Қазақстан!