Мемлекет басшысы Қасым-Жомарт Тоқаевтың Қазақстан халқына Жолдауында қоршаған ортаны қорғау және ел аумағын абаттандыру — басты басымдықтардың бірі ретінде айтылды. Осыған орай іске асырылып жатқан «Таза Қазақстан» ұлттық бастамасы — Президент тапсырмаларына жауап ретінде қолға алынған нақты шаралардың бірі.
Жолдаудан үзінді:
«Экология мәселесі – елдің болашағына тікелей әсер ететін маңызды фактор. Қаланы да, даланы да таза ұстау – әрбір азаматтың міндеті. Біз табиғатқа жанашырлықпен қарап, ұрпағымызға жасыл әрі таза Қазақстанды аманаттауымыз қажет.»
— Қ. К. Тоқаев, Қазақстан Республикасының Президенті
«Таза Қазақстан» бастамасының мақсаттары:
Елді мекендердегі санитарлық тазалықты жақсарту
Қоқыс полигондарын жүйелеу және рұқсатсыз төгілген қалдықтарды жою
Орманды алқаптарды, өзен-көлдерді және табиғи аумақтарды қорғау
Азаматтарды экологиялық мәдениетке тәрбиелеу және тарту
Волонтерлік пен азаматтық белсенділікті дамыту
Халықпен бірге — нақты нәтиже
«Таза Қазақстан» — бұл жалпыхалықтық бастама. Әрбір тұрғын өз елді мекенін таза ұстауға атсалысқанда ғана, біз экологияны жақсартып, Президент жолдауында көрсетілген мақсаттарға қол жеткізе аламыз.
Болашақ — бүгіннен басталады
Жолдауда көрсетілгендей, табиғат — ұлт байлығы. Ендеше, сол байлықты сақтау — баршамыздың ортақ парызымыз.
«Таза Қазақстан» арқылы біз тек қоқыстан тазартпаймыз — ой-санамызды жаңғыртып, келер ұрпаққа үлгі боламыз.
Бізбен бірге болыңыз.
Президент Жолдауын бірге жүзеге асырайық — Таза Қазақстанды бірге құрайық!