ТАЗА ҚАЗАҚСТАН – БАРШАҒА ОРТАҚ МІНДЕТ
«Таза Қазақстан» – еліміздің экологиялық мәдениетін көтеруге, табиғатты қорғауға және қоршаған ортаны жақсартуға бағытталған маңызды бастама. Бұл акцияның басты мақсаты – әрбір адамның табиғат алдындағы жауапкершілігін арттырып, еліміздің әр аймағын таза, жасыл және жайлы өмір сүруге қолайлы ортаға айналдыру.
Бүгінде табиғатты қорғау тек экологтардың ғана емес, бүкіл қоғамның ортақ міндетіне айналды. «Таза Қазақстан» аясында қалалар мен ауылдарда сенбіліктер ұйымдастырылып, күл-қоқыс жиналып, өзен-көлдер тазартылып, жасыл аймақтар көбейіп келеді. Ерекше атап өтерлігі – бұл шараға мемлекеттік органдармен қатар, еріктілер, ұйымдар және барлық жас буын белсенді қатысуда.
Экологиялық мәдениет – болашақ ұрпаққа қалдыратын басты мұрамыздың бірі. Қоршаған ортаны таза ұстау, қалдықтарды дұрыс сұрыптау, табиғатты аялау – әр азаматтың күнделікті өмірінің бөлігіне айналуы керек. Таза қоғам — салауатты өмір, ұзақ ғұмыр, қауіпсіз орта деген сөз.
«Таза Қазақстан» тек бір реттік іс-шара емес, елдің экологиялық саясатындағы маңызды қадамдардың бірі. Табиғатты қорғауға бағытталған осындай бастамаларды қолдау арқылы біз өзіміздің және келер ұрпақтың жарқын болашағын қалыптастырамыз.