ТАЗА ҚАЗАҚСТАН – БАРШАҒА ОРТАҚ МІНДЕТ
Елімізде экологиялық мәдениетті күшейту, қоршаған ортаны қорғау және халықтың тұрмыс сапасын арттыру бағытында «Таза Қазақстан» республикалық жобасы жүйелі түрде жүзеге асуда. Бұл бастама елді мекендерді таза, қауіпсіз әрі жайлы етуге бағытталған маңызды қадамдардың бірі. Аталған акцияға мемлекеттік мекемелер, білім ұйымдары, кәсіпорындар, еріктілер мен қала тұрғындары белсенді қатысып, ортақ іске үлес қосуда.
Республикалық шараның мақсаты – тек қоқыс жинау ғана емес, қоғамда табиғатқа деген жауапкершілік сезімін қалыптастыру, экологиялық сана-сезімді арттыру. Аула, саябақ, жағалау аумақтары, өндірістік аймақтар мен қоғамдық орындар ретке келтіріліп, көгалдандыру жұмыстары жүргізілуде. Бұл – болашақ ұрпаққа таза әрі жасыл ел қалдыру жолындағы маңызды бастама.
«Таза Қазақстан» акциясы — халықты біріктіретін, ортақ жауапкершілікті сезіндіретін, табиғатқа жанашырлықпен қарауға тәрбиелейтін жалпыхалықтық қозғалыс. Қоршаған ортаны қорғау әр азаматтың саналы іс-әрекетінен басталады. Таза қала, таза көше, таза табиғат – бәрі біздің қолымызда.
Экологияны жақсарту бағытындағы жұмыстар алдағы уақытта да жалғасып, елімізді көркейтуге бағытталған жаңа жобалармен толықпақ. Табиғатты аялау – өзімізге және келешекке жасалған ең үлкен игілік.