«Таза Қазақстан» – еліміздің экологиялық жағдайын жақсартуға, табиғатты қорғауға және халықтың экологиялық мәдениетін арттыруға бағытталған маңызды бастама. Бұл акция еліміздегі тазалық мәдениетін қалыптастыру, қоршаған ортаны ластанудан сақтау және келер ұрпаққа таза табиғатты аманат ету мақсатында ұйымдастырылады.
Акция аясында елді мекендерде сенбіліктер өткізіліп, қоқыс алаңдары тазаланады, ағаштар отырғызылады, өзен-көлдердің жағалаулары ретке келтіріледі. Мемлекеттік органдар, мектептер, жоғары оқу орындары, кәсіпорындар мен қарапайым азаматтар бұл іске белсенді атсалысады.
Табиғатты қорғау – әрбір азаматтың борышы. «Таза Қазақстан» тек бір реттік шара емес, бұл – экологиялық жауапкершілікті қалыптастыратын тұрақты қозғалыс. Әр адам өз ауласын, көшесін, қаласын таза ұстаса – бүкіл ел тазарып, болашаққа жарқын жол ашылады.
Таза табиғат – таза болашақтың кепілі!