Қазақстан Республикасының қызметі тұжырымдамалық тұрғыда қайта қаралып, негізгі қағидаттары ресми түрде бекітілді. Оларға егемендік пен тәуелсіздікті қорғау, адам құқықтары мен бостандықтарын сақтау, заң мен тәртіптің үстемдігін қамтамасыз ету, жалпыұлттық бірлікті нығайту, халықтың әл-ауқатын арттыру, жауапты әрі жасампаз отансүйгіштік идеясын ілгерілету, қоғамдық диалогты дамыту кіреді. Сонымен қатар, еңбексүйгіштік, прогресс пен білім құндылықтарын бекіту, жоғары экологиялық мәдениетті қалыптастыру, тарихи-мәдени мұраны сақтау және ұлттық мәдениетті қолдау қағидалары да ерекше назарға алынды.
Қазақстан Республикасы адами капиталды, білім беруді, ғылымды және инновацияларды дамыту мемлекеттік қызметтің стратегиялық бағыты ретінде мойындалғаны да бекітілді. Бұл еліміздің әлеуметтік-экономикалық дамуын жеделдетуге, инновациялық әлеуетін арттыруға және болашақ ұрпаққа сапалы білім беру жолында маңызды қадам болып отыр.
Осылайша, жаңа бекітілген қағидаттар Қазақстанның тұрақты дамуы, азаматтардың әл-ауқаты және қоғамдағы тұрақтылықты қамтамасыз ететін іргелі негіз ретінде қызмет етеді.
