Мемлекет басшысы Қасым-Жомарт Тоқаев өз Жолдауында тазалық мәдениетін қоғамда терең орнықтырудың маңыздылығын ерекше атап өтті. Президенттің айтуынша, бұл бағытта Үкімет экологиялық ағарту ісінің бірыңғай үлгісін енгізіп, мектептен бастап жоғары оқу орындарына дейін барлық деңгейдегі білім мекемелерін қамтуы қажет.
Бұл тапсырма еліміздің әрбір азаматы үшін үлкен жауапкершілікті жүктейді. Себебі қоршаған ортаны қорғау, экологиялық сауаттылықты арттыру және жас ұрпаққа табиғатты аялау мәдениетін үйрету – болашаққа жасалған маңызды қадам.
Таза орта – салауатты өмір кепілі. Тазалықты сақтай отырып, біз жасыл әрі жарқын болашаққа бірге қадам басамыз.