Қала аумағында көпқабатты тұрғын үйлердің шатырын жөндеу жұмыстары басталды. Биылғы жылы 30 үйдің шатыры жаңартылып, тұрғындар үшін қолайлы әрі қауіпсіз жағдай жасау көзделуде.
Бүгін Абай көшесі 52, Ерден көшесі 173 үйлердің төбесінде болдық. Жөндеу жұмыстары кезең-кезеңімен жүргізіліп, шатырлардың су өткізбейтін қабаты ауыстырылады, ескі жабындар толықтай жаңартылады. Бұл – жауын-шашын кезінде пәтерлерге су өтпеуін қамтамасыз етіп, үйлердің жалпы пайдалану мерзімін ұзартады.
Барлық жұмыстар сапалы әрі уақытылы атқарылуы үшін әкімдік тарапынан тұрақты бақылау жүргізіледі.