Сәтбаев қаласының тұрғындары үшін көптен күткен жаңалық!
Биыл қалада орталық алаңды жаңғырту бойынша ауқымды жұмыстар басталды. Қазіргі уақытта академик Қ.И. Сәтбаевтың ескерткіші көшіріліп, тұғыр демонтаждалды, жазғы амфитеатрдың қайта жаңғырту жұмыстары жүргізілуде.
Жаңартылған алаңның негізгі элементтерінің бірі – қалалық сағат болады. Қазіргі таңда олардың орнатылуы үшін алаңда жер қазу жұмыстары жүргізілуде. Жұмыстардың мердігері ұйымы – «TABS QURYLYS» ЖШС.
Жоба аясында сағатқа түсін өзгертуге, бірқалыпты жарық беруге немесе бейнелерді көрсетуге мүмкіндік беретін LED-құрылғы орнату жоспарланған. Екі жағында жаяу жүргіншілерге арналған екі фонтан салынбақ.
Ескі, жұмыс істемейтін фонтанды бұзу бойынша конкурстық рәсімдер жүргізілуде. Олар аяқталған соң барлық жұмыстар толық көлемде жалғасады.