Қоғамдағы тұрақтылық пен өзара сыйластықты қалыптастыруда қауіпсіздік сабақтарының маңызы зор. «Заң мен тәртіп» қағидаты аясында өткізілетін мұндай сабақтар жасөспірімдерге құқықтық мәдениетті түсіндіріп қана қоймай, күнделікті өмірде кездесетін келеңсіз әрекеттерден аулақ болуға бағыттайды.
Сабақ барысында шеттету, кемсіту, келемеждеу, қорлау, сондай-ақ ортаға қоспау сияқты бұзақылық әрекеттердің қоғамға және жеке тұлғаға тигізер зияны кеңінен түсіндіріледі. Мұндай әрекеттер адам құқықтарын бұзу болып саналатыны, ал заң алдында әрбір азаматтың жауапты екені атап өтіледі.
Қауіпсіздік сабағы оқушыларды бір-біріне құрметпен қарауға, өзгелердің пікірін сыйлауға және кез келген жағдайда заң аясында әрекет етуге тәрбиелейді. Сонымен қатар дау-жанжалдардың алдын алу, түсініспеушіліктерді бейбіт жолмен шешу, медиация мен диалогтың маңызына да ерекше назар аударылады.
Мұндай сабақтардың басты мақсаты – қауіпсіз, достық және қолайлы орта қалыптастыру. Әрбір адам өзін еркін әрі қорғалған сезінетін ортада ғана толыққанды дамып, білім алуға мүмкіндік алады. Сондықтан буллинг пен кез келген кемсітушілікке жол бермеу – баршаның ортақ міндеті.
«Заң мен тәртіп» қағидаты негізінде өткізілетін қауіпсіздік сабақтары жас ұрпақтың жауапкершілігі жоғары, саналы азамат болып қалыптасуына ықпал етеді.
