Ұлытау облысы, Жаңарқа ауданы, Еламан Шаханов атындағы жалпы білім беретін мектептің ерікті оқушылары 2026 жылы елімізде экологиялық мәдениетті қалыптастыру және қоршаған ортаны қорғауға қоғамның белсене қатысуын арттыру мақсатында ұйымдастырылған «Таза Қазақстан» экологиялық акциясына белсенді түрде қатысты.
Аталған акция қоршаған ортаны қорғау, табиғатты аялау және тазалық мәдениетін қалыптастыруға бағытталған. Іс-шара барысында ерікті оқушылар барша азаматтарды, сондай-ақ ұйымдар мен мекемелерді экологиялық бастамаға белсене қатысуға шақырды.
Акция аясында еріктілер аумақты тазалау жұмыстарын жүргізіп, қыс мезгілінде жиналған қарды тазалады. Бұл жұмыстар қоршаған ортаның санитарлық жағдайын жақсартуға және тұрғындар үшін қауіпсіз орта қалыптастыруға ықпал етті.
Ұйымдастырушылардың айтуынша, мұндай экологиялық шаралар қоғамда жауапкершілік мәдениетін арттырып, жас ұрпақтың табиғатқа деген жанашырлығын нығайтады. «Таза Қазақстан» акциясы алдағы уақытта да өз жалғасын табады деп күтілуде.
