Қала аумағында қоғамдық тәртіпті нығайту және құқық бұзушылықтың алдын алу мақсатында жедел алдын алу іс-шарасы өткізілуде. Аталған шараның негізгі мақсаты – тұрғындардың қауіпсіздігін қамтамасыз ету, қылмыстың алдын алу және қоғамдық орындарда құқықтық тәртіпті сақтау. Іс-шараға полиция қызметкерлері, жергілікті атқарушы органдар және еріктілер тартылған.
Жедел алдын алу барысында қоғамдық орындарда, саябақтарда, сауда орталықтарында, ойын-сауық мекемелерінде және тұрғын үйлердің аулаларында рейдтік жұмыстар жүргізілуде. Сонымен қатар жол қозғалысы ережелерінің сақталуын бақылау күшейтіліп, көлік құралдарының жүргізушілері мен жаяу жүргіншілерге түсіндіру жұмыстары жүргізілуде. Кәмелетке толмағандардың түнгі уақытта заңды өкілінсіз жүру деректері, алкогольдік ішімдік ішу, темекі өнімдерін пайдалану сияқты құқық бұзушылықтарға ерекше назар аударылуда.
Шара аясында тұрғындармен профилактикалық әңгімелер өткізіліп, алаяқтықтың, ұрлықтың және интернет арқылы жасалатын қылмыстардың алдын алу жолдары түсіндірілуде. Пәтерлерді аралау барысында учаскелік инспекторлар азаматтарға қауіпсіздік шараларын сақтау жөнінде кеңес беруде. Бұдан бөлек, есепте тұрған тұлғалармен жеке профилактикалық жұмыстар ұйымдастырылып жатыр.
Осындай кешенді іс-шаралар қоғамдық тәртіпті нығайтуға, құқық бұзушылық деңгейін төмендетуге және тұрғындардың құқықтық мәдениетін арттыруға ықпал етеді. Қала тұрғындарын заң талаптарын сақтауға, қоғамдық тәртіпті бұзбауға және күмәнді жағдайлар туралы құқық қорғау органдарына дер кезінде хабарлауға шақырамыз. Қоғамдық қауіпсіздік – баршамызға ортақ міндет.
