Басқару жүйесіндегі теңгерім — мемлекеттік билік органдарының тиімді және үйлесімді жұмыс істеуінің маңызды факторы болып табылады. Конституциядағы соңғы өзгерістердің бірі — билік тармақтары арасындағы тепе-теңдікті күшейтуге бағытталған. Бұл өзгерістер Президенттің, парламенттің және үкіметтің өкілеттіктерін қайта қарауды қамтиды. Президенттік өкілеттіктер нақты шектеліп, тек стратегиялық және мемлекетті басқару мәселелеріне шоғырландыру қарастырылған. Парламенттің рөлі күшейтіліп, заң шығару процесінде және бюджеттік саясатты қалыптастыруда жауапкершілік артты. Үкіметтің міндеттері нақты бөлініп, оның экономикалық және әлеуметтік саясатты жүзеге асырудағы тиімділігі артады.
Билік тармақтарының өзара тепе-теңдігі басқару жүйесінің тұрақтылығын қамтамасыз етеді. Бір тармақтың асыра күшеюі немесе екінші тармақтың әлсіреуі мемлекет үшін тәуекел тудырады. Сондықтан, Президенттің, парламенттің және үкіметтің өкілеттіктерін теңестіріп, олардың өзара байланысын үйлестіру саяси тұрақтылыққа, экономикалық даму мен әлеуметтік прогреске оң әсер етеді. Сондай-ақ, бұл азаматтардың құқықтары мен бостандықтарын қорғауды күшейтеді, шешім қабылдау процесін ашық әрі әділ етеді. Осылайша, билік тармақтары арасындағы теңгерім қоғамның сенімін арттырып, басқару жүйесінің тиімділігін айтарлықтай жоғарылатады.
