Ұлытау облысында жастар мен билік өкілдері арасындағы ашық диалогты нығайту мақсатында маңызды кездесу өтті. Облыс жастары Қазақстан Республикасы Парламенті Мәжілісінің депутаттары Аманжол Әлтай және Ерболат Сатыбалдымен жүздесіп, өзекті мәселелер мен ұсыныстарды талқылады.
Кездесу сайлаушылармен кездесу форматында ұйымдастырылып, еркін пікір алмасуға негізделді. Іс-шара барысында жастар өңірдегі әлеуметтік, білім беру, жұмысқа орналасу, цифрландыру және азаматтық белсенділік мәселелерін көтерді.
Мәжіліс депутаттары жастардың пікірін тыңдап, олардың ұсыныстары мен бастамалары заң шығару қызметінде ескерілетінін атап өтті.
Жиын өңірдегі заманауи жастар орталықтарының бірінде өтті. Мұндай алаңдар жастардың бастамаларын қолдауға, өз ойларын еркін жеткізуге және қоғамдық өмірге белсенді араласуына мүмкіндік береді.
Кездесу барысында жастар орталықтарының жұмысын дамыту, коворкинг аймақтарын кеңейту, білім беру және кәсіпкерлік жобаларын қолдау мәселелері де қозғалды.
Кездесу кезінде жастар тарапынан бірқатар маңызды ұсыныстар айтылды:
- жастарға арналған білім және кәсіби даму бағдарламаларын көбейту;
- өңірде жұмыс орындарын ашуға бағытталған жобаларды қолдау;
- жастардың қоғамдық және саяси белсенділігін арттыру;
- заманауи инфрақұрылым мен цифрлық мүмкіндіктерді дамыту.
Барлық ұсыныстар депутаттар тарапынан жазбаша түрде қабылданып, тиісті органдарға жолданатыны айтылды.
Бұл кездесу Ұлытау облысының жастары үшін маңызды алаңға айналды. Ашық форматта өткен диалог жастардың үнін естуге және олардың мәселелерін нақты шешуге мүмкіндік береді.
Мәжіліс депутаттары жастармен осындай кездесулердің алдағы уақытта да жалғасатынын атап өтті. Жастардың пікірі — ел болашағын айқындайтын маңызды фактор.
