Қазақстанда 2026 жылғы 15 наурызда республикалық референдум өтеді. Тиісті жарлыққа Қазақстан Президенті Қасым-Жомарт Тоқаев қол қойды.
Орталық сайлау комиссиясының мәліметінше, азаматтарға бір ғана сұрақ қойылады:
«2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?»
Референдум қалай өтеді?
Орталық сайлау комиссиясы референдум мынадай қағидаттар негізінде өткізілетінін хабарлады:
ерікті қатысу;
азаматтардың еркін пікір білдіруі;
жалпыға бірдей дауыс беру;
тең және тікелей сайлау құқығы;
жасырын дауыс беру.
Қанша адам дауыс береді?
Сайлаушылар тізіміне тұрғылықты жері бойынша тіркелген 12 416 759 азамат енгізілген.
Қазіргі мәлімет бойынша, референдумды ұйымдастыруға Үкімет резервінен 20 млрд теңгеден астам қаржы бөлінеді.
Онлайн дауыс беру мүмкін бе?
Қазіргі уақытта қазақстандықтардың онлайн форматта дауыс беру мүмкіндігіне қатысты нақты шешім мен техникалық тетіктер жөнінде қосымша ақпарат жария етіледі деп күтілуде.
Конституция қабылданса не болады?
Егер азаматтар жаңа Конституцияны қолдаса:
Құжат 2026 жылғы 1 шілдеден бастап күшіне енеді;
Қолданыстағы Парламент өз жұмысын 2026 жылғы 1 шілдеге дейін жалғастырады.
Айта кетейік, жаңа Конституция жобасының толық мәтіні 2026 жылғы 12 ақпанда ресми түрде жарияланған.
