Қаланың инфрақұрылымын жаңарту – бұл тек тұрғындардың тұрмыс сапасын арттыру ғана емес, сонымен қатар болашаққа салынған берік негіз. Бүгінде Сәтбаев қаласында осы мақсатта маңызды жобалардың бірі – кәріз желілерін қайта жаңғырту жұмыстары қарқын алды.
Бұл жаңарту жұмыстары – қаламыздың санитарлық – экологиялық қауіпсіздігін қамтамасыз етуге, апатты жағдайлардың алдын алуға және тұрғындарға сапалы коммуналдық қызмет көрсетуге бағытталған ұзақ мерзімді стратегиялық қадам.