«Таза Қазақстан» акциясы аясында Қаражал қаласында жолдарға құм төселуде

«Таза Қазақстан» акциясы аясында Қаражал қаласында жол қауіпсіздігін қамтамасыз ету мақсатында бірқатар жұмыстар жүргізілуде. Соның бірі – көшелер мен жаяу жүргіншілер жолдарына құм төсеу. Қаланың коммуналдық қызметкерлері арнайы техниканың көмегімен негізгі көшелерге, аялдамалар мен қоғамдық орындардың маңына құм себуде. Бұл жұмыстар көктайғақтың алдын алып, көлік жүргізушілері мен тұрғындардың қауіпсіз қозғалуына жағдай жасайды. Сонымен қатар акция аясында қаланы таза ұстау, көшелерді ретке келтіру және қоршаған ортаны қорғау шаралары да қолға алынуда. Тұрғындар да игі бастаманы қолдап, қала тазалығына үлес қосып келеді.