Конституцияға өзгерістер мен толықтырулар енгізу тәртібі

Жаңа он бесінші бөлім Конституцияға өзгерістер мен толықтырулар енгізу тәртібіне арналған. Қазақстан Республикасының Президенті Конституцияға кез келген өзгеріс тек референдум арқылы енгізілуі тиіс деп атап өтті. Бұл ұсыныс жобада өз көрінісін тапты. Негізгі заңға енгізілетін өзгерістер тек Президенттің шешімімен және халықтық референдум арқылы жүзеге асырылуы мүмкін. Парламент арқылы өзгерістер енгізу мүмкіндігі алынып тасталады. Сонымен қатар, Қазақстан Халық Кеңесі де референдум өткізу жөнінде Президентке ұсыныс жасайтын субъектілердің қатарына қосылады.