Бүгінде еліміз бойынша 190 мыңнан астам оқушы білім алатын 167 «Келешек мектептері» жұмыс істеп тұр.
📌 Еске сала кетейік, Қазақстанда Мемлекет басшысының бастамасымен іске қосылған «Келешек мектептері» ұлттық жобасын жүзеге асыру жалғасуда.
#келешекмектептері
Бұл жоба білім беру саласын жаңғыртуға, мектептердің материалдық-техникалық базасын жақсартуға және заманауи оқу ортасын қалыптастыруға бағытталған. «Келешек мектептері» оқушыларға сапалы біліммен қатар, цифрлық дағдыларды, шығармашылық ойлауды және сындарлы көзқарасты дамытуға мүмкіндік береді.
Жобаның аясында жаңа оқу ғимараттары салынып, сынып кабинеттері жаңа техникалармен жабдықталуда, педагогтердің біліктілігін арттыруға ерекше назар бөлінуде. Мұндай мектептерде оқушылардың жан-жақты дамуына жағдай жасалып, білім беру процесі заман талабына сай ұйымдастырылуда.
Алдағы жылдары «Келешек мектептері» саны артып, еліміздің барлық өңірінде қолжетімді әрі сапалы білім беру жүйесін қалыптастыру жоспарлануда. Бұл – Қазақстанның білім саласындағы үлкен қадамдарының бірі және болашақ ұрпақ үшін маңызды инвестиция.