ЖҰМЫСШЫ МАМАНДЫҚТАР ЖЫЛЫ
2025 жыл елімізде Жұмысшы мамандықтар жылы деп жарияланып, техникалық және еңбек бағытындағы кәсіптерді қолдау мен дамыту жұмыстары жаңа деңгейге көтерілді. Бұл бастаманың негізгі мақсаты – жұмысшы кәсібінің беделін арттыру, өндірістік салаларға білікті мамандар тарту, сондай-ақ жастарды еңбекке баулу мен кәсіби бағдарлау жүйесін жетілдіру.
Қазіргі таңда экономикамыздың дамуы үшін дәнекерлеуші, электрик, құрылысшы, механик, технолог, оператор сияқты жұмысшы мамандықтарының маңызы зор. Осыған орай елімізде техникалық және кәсіптік білім беру мекемелерінің материалдық-техникалық базасы жаңартылып, дуалды оқыту жүйесі кеңейтілуде. Кәсіпорындар мен колледждер арасындағы өзара ынтымақтастық күшейіп, студенттердің өндірістік тәжірибеден өту мүмкіндіктері артты.
Жұмысшы мамандықтарын насихаттау мақсатында ақпараттық компаниялар, шеберлік сабақтары, кәсіби байқаулар мен “WorldSkills” жарыстары ұйымдастырылып, дарынды жастарға өз қабілеттерін көрсетуге жағдай жасалуда. Бұл шаралар еңбек адамының қоғамдағы рөлін дәріптеп, жұмысшы мамандықтарының беделін көтеруге ықпал етеді.
Жұмысшы мамандықтар жылында қолға алынған бастамалар еліміздің индустриялық-инновациялық дамуын жеделдетіп қана қоймай, еңбек нарығын сапалы кадрлармен қамтамасыз етуге мүмкіндік береді. Білікті жұмысшы – мықты экономика мен тұрақты қоғамның негізі. Сондықтан бұл жыл еліміз үшін маңызды әрі болашаққа бағытталған қадам болып табылады.