Бұл бастама – қоғамда жұмысшы еңбегінің беделін арттыруға, кәсіби-техникалық білім беруді дамытуға және жастарды еңбекке баулуға бағытталған маңызды қадам.
Қазіргі таңда еліміздің экономикасы мен өндірісі үшін білікті мамандардың рөлі зор. Құрылысшы, дәнекерлеуші, электрик, механик, аспаз, технолог сияқты жұмысшы мамандықтар – ел дамуының негізін құрайды. Осындай мамандардың еңбегі арқылы қалалар мен ауылдар көркейіп, жаңа зауыттар мен өндіріс орындары ашылуда.
Жұмысшы мамандықтар жылы аясында мемлекет кәсіби білім беруді жетілдіруге, колледждер мен кәсіптік мектептердің материалдық базасын нығайтуға, жастарға тәжірибе жинақтау мен жұмысқа орналасуға мүмкіндік беруге ерекше көңіл бөлуде. Сонымен қатар түрлі байқаулар, шеберлік сабақтары, «WorldSkills» чемпионаты сияқты жарыстар ұйымдастырылып, үздік мамандар мен оқушылар ынталандырылады.
Бұл жыл — еңбек адамын қадірлеудің, оның қоғамдағы орнын айқындаудың жылы. Әрбір жұмысшы өз ісінің шебері болуы – елдің өркендеуінің кепілі. Сондықтан жастардың жұмысшы мамандықтарына қызығушылығын арттыру, оларға кәсіби бағыт-бағдар беру – уақыт талабы.
Қорыта айтқанда, Жұмысшы мамандықтар жылы – еңбекке құрмет, кәсіпке адалдық және болашаққа сенім символы. Елдің дамуы – еңбек адамдарының қолында, ал еңбекке баулу – ұлттың жарқын болашағына бастар жол.