«Таза Қазақстан» республикалық экологиялық акциясы
Елімізде экологиялық мәдениетті қалыптастыру және қоршаған ортаны қорғау мақсатында «Таза Қазақстан» республикалық акциясы өткізілуде. Акция аясында қала және ауыл тұрғындары, мемлекеттік мекеме қызметкерлері мен еріктілер қоршаған ортаны тазарту жұмыстарына белсенді атсалысуда.
Іс-шара барысында көшелер, саябақтар, өзен-көл жағалаулары мен қоғамдық орындар қоқыстан тазартылып, көгалдандыру және абаттандыру жұмыстары жүргізілді. Мұндай игі бастама қоғамның экологиялық санасын арттырып, табиғатқа деген жауапкершілікті күшейтеді.
«Таза Қазақстан» — әр азаматтың туған жеріне деген қамқорлығын көрсететін ортақ іс. Қоршаған ортаның тазалығы — елдің көркі мен халықтың денсаулығының кепілі.