Президент Қасым-Жомарт Тоқаев өз Жолдауында әділетті қоғам қалыптастыру үшін мемлекеттік басқаруда ашықтық пен тиімділік басты қағидаға айналуы қажет екенін ерекше атап өтті. Бұл мақсатқа жету жолында цифрландырудың рөлі айрықша.
Қоғам өмірінің барлық саласына цифрлық тетіктерді енгізу – халыққа көрсетілетін қызметтердің сапасын арттырып қана қоймай, мемлекеттік органдардың жұмысын барынша ашық етеді. Электронды қызметтер, онлайн бақылау және автоматтандырылған жүйелер сыбайлас жемқорлықтың алдын алып, билік пен қоғам арасындағы сенімді нығайтады.
Президент атап өткендей, цифрландыру – жаңа дәуірдің басты талабы. Сондықтан мемлекеттік басқаруды жаңғырту, халыққа қолайлы жағдай жасау және әділетті қоғам құру ісінде бұл бағытты кеңінен қолдану Қазақстанның басты басымдығы болып қала береді.
#Жолдау