Президент Қасым-Жомарт Тоқаевтың Жолдауы – еліміздің дамуына тың серпін беретін маңызды құжат. Онда қоғамның өзекті мәселелерімен қатар, болашаққа бағдар беретін нақты қадамдар көрсетілген.
Жолдауда көтерілген бастамалар экономиканы дамытуға, халықтың әл-ауқатын арттыруға, әлеуметтік әділеттілікті қамтамасыз етуге бағытталған. Әсіресе, жаңа инвестициялық саясат, цифрландыру, білім мен ғылымды қолдау, жастарға мүмкіндік беру – Қазақстанды жаңа белестерге жетелейтін стратегиялық бағыттар.
Бұл құжат ел дамуының айқын жол картасы болып табылады. Жолдаудағы әрбір тапсырма мемлекеттің өркендеуіне, халықтың тұрмыс сапасын жақсартуға және еліміздің бәсекеге қабілеттілігін арттыруға негізделген.
Жаңа белестерге жетелеу – тек мемлекет пен биліктің ғана емес, барша қазақстандықтардың ортақ міндеті. Бірлік пен еңбек арқылы біз елімізді жарқын болашаққа бастай аламыз.