Президент Қасым-Жомарт Тоқаев Қазақстан Республикасы Конституциясының 30 жылдығына арналған «Конституция және мемлекеттілік: құқық пен болашақ диалогы» атты ғылыми-практикалық конференцияда сөз сөйледі.
Мемлекет басшысы Конституциялық реформаның ел дамуына берік құқықтық негіз болғанын атап өтті. Оның арқасында саясатта, экономикада, әлеуметтік салада және сот жүйесінде «Әділетті мемлекет» қағидаты жүзеге асуда. Сонымен қатар «Ұлттық қор – балаларға» бағдарламасы іске қосылып, жас ұрпақтың болашағына қаржы бөлінді.
Президенттің айтуынша, жаңарған Конституция азаматтардың құқықтары мен мүдделерін қорғаудың сенімді құралына айналды, ал қабылданған жаңа заңдар әділдік пен адамгершілік құндылықтарын нығайтуға бағытталған.