2025 жыл – Қазақстан үшін ерекше әрі тарихи кезең. Мемлекет басшысының бастамасымен бұл жыл «Жұмысшы мамандықтар жылы» деп жарияланды. Бұл тек атау ғана емес: бұл — еңбекке құрмет, кәсіби шеберлік пен техникалық білімнің маңыздылығын көтеретін нақты стратегиялық қадам.
Жұмысшы мамандықтар жылы – бұл ұлттың экономикалық тірегіне табынып, жастарды техникалық мамандықтарға тарту, кәсіби білімнің беделін арттыруға бағытталған нақты және маңызды бастама. Бұл – еліміздің болашағына жасалған инвестиция.
Қандай заман болмасын, еңбек ететін адамға деген сұраныс ешқашан тоқтамайды, керісінше, арта береді. Сондықтан жұмысшы мамандығын игеру – бұл келешекке жасалған сенімді қадам.