Б.Бұлқышев атындағы орталықтандырылған кітапхана жүйесінің ғимаратында алғаш рет күрделі жөндеу жұмыстары жүргізілуде.
Орталық кітапхана алғаш 1952 жылы Рудник кентінде ашылып, 1987 жылы Сәтбаев қаласына көшірілген. Соңғы рет мұнда ағымдағы жөндеу 2009 жылы жүргізілген еді. Содан бері ғимаратта ешқандай күрделі жөндеу болған жоқ.
Жөндеудің басты мақсаты – кітапхананың материалдық-техникалық базасын жаңарту, заманауи стандарттарға сай орта қалыптастыру және оқырмандар мен қызметкерлер үшін қолайлы жағдай жасау.
Қала әкімі Мұрат Бөрібаев кітапханаға арнайы барып, жөндеу барысымен танысты. Кітапхана басшысы атқарылып жатқан жұмыстар туралы ақпарат берді. Қала басшылығы бұл жобаның Сәтбаев қаласының мәдени және рухани өміріне тың серпін беретініне сенімді.