Еңбек адамы – жас ұрпаққа үлгі
Қазіргі таңда жастарға кәсіби бағдар беру, техникалық және жұмысшы мамандықтарының беделін арттыру – маңызды бағыттардың бірі. Себебі қоғамға инженер, механик, технолог, ауыл еңбеккерлері қажет. Еңбек адамы – өз кәсібін сүйетін, шынайы еңбекпен нан тауып жүрген тұлға екенін жастар түсінуі тиіс. Қазақстанда еңбек адамының беделін көтеру мақсатында «Еңбек күні» мерекесі, «Еңбек адамы» жобалары, «Еңбек даңқы» төсбелгілері, ең үздік жұмысшыларды марапаттау шаралары өткізіледі. Бұл қоғамда еңбекті бағалау мәдениетін қалыптастыруға ықпал етеді.
Еңбек адамы – өз еңбегімен ел экономикасының дамуына, қоғамның алға жылжуына үлес қосатын, адал еңбектің қадірін түсінетін, маңдай терімен табыс табатын қарапайым азамат. Олар – құрылысшы, мұғалім, дәрігер, шахтер, жүргізуші, ауыл шаруашылығы қызметкері, тазалықшы, инженер секілді қоғамның барлық саласында еңбек етіп жүрген жандар.