Биыл қаламыздың инженерлік инфрақұрылымын жаңғырту бағытында бірқатар жұмыстар жүргізілуде. Мәңгілік Ел көшесінде соңғы 50 жыл бойы жаңартылмаған магистральдық жылу желілеріне күрделі жөндеу жұмыстары басталды. Бұл – тек ағымдағы жылға арналған жоспар емес, бұл – келешек ұрпақ үшін сенімді, сапалы жылу жүйесінің негізі!
Жалпы ұзындығы 8 шақырым болатын жылу желісін жаңарту көзделген. Бүгінгі күнге дейін: «Сарыағаш Аман» ЖШС 375 метр ескі құбырды демонтаждап, 100 метр лоток құрылғысын орнатып, дәнекерлеу жұмыстарын бастап кетті. Жыл соңына дейін ауыстырылуға тиіс 4 шақырым желінің 500 метрі бүгінде толықтай жаңартылды. Жөндеу жұмыстары күн сайын қарқын алып келеді. Жобаның әр кезеңі бақылауда. Осы апта Гурбы – Мәңгілік Ел жол учаскесі қайта ашылады.Жол ашылғаннан кейін қозғалыс қалыпқа келеді.
Тұрғындарға қолайсыздық туғызған уақытша шектеулерге түсіністік танытқандарыңызға алғыс білдіреміз!
