Еліміздің сот және құқық қорғау жүйелері Әділетті Қазақстан құрудағы қоғамдық сұранысқа сай реформалануда. Соттар, прокуратура, полиция заңды сақтау мен азаматтардың құқықтарын қорғау бойынша нақты шаралар қабылдауда. Заң бәріне бірдей, оған барлығы сөзсіз бағынады. Заңнамалық қайшылықтар азаматтардың пайдасына түсіндіріледі. Әрбір адамның ар-намысы, қадір-қасиеті және заңды мүдделері құрметтеледі.
Сонымен қатар, сот жүйесінің ашықтығы мен әділдігін қамтамасыз ету мақсатында жаңа технологиялар енгізілуде, сот процестерінің жариялылығы артып келеді. Құқық қорғау органдары қызметкерлерінің кәсіби біліктілігін арттыру, сыбайлас жемқорлықпен күресті күшейту және халықпен тиімді кері байланыс орнату бағытында кешенді жұмыстар жүргізілуде. Азаматтардың құқықтық сауаттылығын арттыру үшін арнайы бағдарламалар қолға алынып, қоғамдағы заң үстемдігін нығайтуға бағытталған іс-шаралар жүйелі түрде жүзеге асырылуда.
Әділетті Қазақстан құру жолында әрбір мемлекеттік орган мен лауазымды тұлғаның жауапкершілігі артып, халықтың сенімін ақтау басты міндет ретінде қойылуда. Бұл реформалар еліміздің тұрақты дамуы мен азаматтардың әл-ауқатын жақсартуға негіз болады.
Бақыт Макашова, аналар кеңесінің мүшесі