Қазақстан Республикасының Президенті Қасым-Жомарт Кемелұлы Тоқаев 2025 жылғы Жолдауында елдің әлеуметтік-экономикалық дамуы мен білім беру саласына баса назар аударды. Бұл Жолдау еліміздің дамуы үшін жаңа серпін беріп қана қоймай, қоғамдағы өзекті мәселелердің бетін ашып, нақты шешу жолдарын ұсынды. Атап айтқанда, білім беру жүйесіндегі реформалар, мұғалімдердің кәсіби беделі мен олардың қоғамдағы рөлі басты назарда болды. Сонымен қатар, мемлекеттік бағдарламалар мен түрлі бастамалардың игерілмей жатқаны, тиімділігінің төмендігі де ашық айтылды.